पावसाळ्यात मुलांचा आहार कसा असावा? — आरोग्यदायी आणि सुरक्षित टिप्स

पावसाळा सुरू होताच वातावरणात गारवा, हिरवळ आणि पावसाच्या सरींचा आनंद पसरतो, पण याचसोबत मुलांच्या आरोग्यासाठी काही आव्हानेही निर्माण होतात. दमट हवामान, कमी सूर्यप्रकाश आणि वाढलेली जंतूंची वाढ यामुळे पचनक्रिया मंदावते आणि पोटाचे विकार, सर्दी-खोकला, ताप तसेच पाण्यातून पसरणाऱ्या आजारांचा धोका वाढतो. त्यामुळे पावसाळ्यात मुलांच्या आहारात बदल करणे अत्यावश्यक ठरते. या काळात आहार पचायला हलका, उबदार, पण ऊर्जा व पोषण देणारा असावा.

पावसाळ्यात मुलांसाठी आहारात समाविष्ट करावे:

हातसडीचा तांदूळ, ज्वारी, बाजरी, नाचणी, राजगिरा, वरी यांसारखी मिलेट्स
मूग व मसूर डाळ, पूर्ण शिजवलेले कडधान्य जसे मटकी, चवळी
दुधी भोपळा, लाल भोपळा, पडवळ, तोंडली यांसारख्या भाज्या
हंगामी फळे
गरम सूप्स, हळद किंवा सुंठ घालून दूध
मर्यादित प्रमाणात उकडलेले अंडे, ऑम्लेट, चिकन सूप

या ब्लॉगबद्दल अधिक माहिती वाचा: https://chikupiku.com/blogs/blog/pavsalyat-mulanch-aahar-ks-asava

टाळावेत किंवा मर्यादित करावे:

कच्ची कोशिंबीर, कच्चे अंकुरलेले कडधान्य, पालेभाज्या
गहू, चणा डाळ, वाटाणे, छोले, राजमा
मटण, मासे (प्रजनन काळामुळे)
दही, ताक, थंड पेये, मिल्कशेक
फ्रोझन, तळलेले व स्ट्रीट फूड

सविस्तर व्हिडिओ युट्यूबवर पहा: https://youtu.be/BZA06zJ3C8E

प्रतिकारशक्ती वाढवण्यासाठी तुळशीची पाने, हळद, आले, मिरी, लसूण, कढीपत्ता यांचा वापर करावा. शाळेच्या डब्यात २-३ तास टिकणारे पदार्थ ठेवावेत, उकळलेले पाणी द्यावे, आणि भाज्या न आवडणाऱ्या मुलांसाठी कटलेट्स, पराठे, डोसे, थालीपीठ, पुलाव यांचा पर्याय वापरावा. आहाराबरोबरच मुलांना स्वयंपाकात सहभागी करणे, भाज्यांबद्दल नकारात्मक बोलणं टाळणे, पुरेसा व्यायाम व झोप याकडे लक्ष दिल्यास पावसाळ्यातही त्यांचे आरोग्य ताजेतवाने आणि मजबूत राहील.